中國茶

我唔係對茶有研究既人，純粹只係個人有感而發,有錯誤之處也請多多包含！


 對於年青人黎講，飲得最多應該係烏龍茶，因為周街都買到，求其一間便利店，林林種種唔同牌子任君選擇。但我最愛既都係普洱茶。

 普洱，大部份人都係茶樓先飲，去到茶樓問你飲咩茶，好自然就會話“普洱滾水唔該！”呢種茶泡得愈耐，色澤愈黑愈濃，小弟有做過小小資料搜集，靚既普洱泡得耐色澤帶黃有光澤，平時我飲既都係“黑過墨豆”，罷了。普洱茶味道濃郁，苦而不澀 ，呀媽同通常話食得多肥膩野就飲番杯普洱去油膩，可能覺得濃茶可以同油膩平衡番，聽則笑笑，實則又真係有作用的。除左去油，茶仲可以消脂，利水，排毒，我對汽水不感大興趣，有時都貪一時之快，為了一剎興奮，反工我都會用茶包沖茶飲，水雖有益，但也太泛味了，而且普洱茶有種提神的作用，比起咖啡更好。

 坊間咁多種茶，點解我會鍾意普洱茶？普洱茶易入口，普洱無水仙，香片的清香，但就有一種苦得黎唔會討厭既味道，看色澤濃郁味道卻不是正比，剛好的苦味和少少澀，不像其他茶種有突出的一面，試過有次飲香片，因泡太久，澀得難以入口，從此對此茶有恐懼。香味也不夠水仙那種花香的清新，但我就是喜歡這種實而不華的茶種。 一直我也有個疑問，點解出咁多支裝荼大部分都係烏龍，綠茶？普洱從未見過，是有不可告人的秘密還是… 

 ＊我本想用書面語去寫的，但為了廣東話的存在，唯有這樣，希望各位能夠保護廣東話。